زيكو يا اناننين عاملين ايه ا
حبيت ببس اقولككو علي خلاصة تجربتي في الحياة لمدة 33 سنة
اعتبروها نصيحه لو خدتو بيها ماشي ماخدتوش بيها يبقي طنشو البوست اصلا
انا متابع البورد من سنين ومريت بكل البوستات اللي اتعملت هنا وشوفت الناس والشباب اغلبهم بيفكر ازاي
وعارف ان الاغلب ملحدين ومهمشين وعايزين ينتحرو اساسا
والاكتر شباب ممكن من ثانوي لحد الجامعة
وانا عايز اقولكو اني كنت باعتبر نفسي ملحد .وكنت ملحد عن علم ومعرفة مش مجرد ان فكره الدين مش عاجباني انا كنت باذاكر وباعلم نفسي انا اينعم خريج تجارة بس قريت كتب كتير جدا واتعلمت حاجات كتير جدا سواء فلسفة
او شريعة وفقة او تاريخ اديان او بيولوجي اوادب وبلاغة ونحو او منطق
ووصلت لدرجه اني كنت لما اتكلم مع اي شيخ كان بيخرس ومايقدرش يرد عليا
وانا بحكم ان اغلب عيلتي شيوخ فاكنت باقعد معاهم كتير وماحدش كان بيقددر يطلعني غلطان
بس بعد فترة اللي هيا ما بعد ال 27 لقيت ان التفكير بيتغير وابتديت ابص للحاجات بمنظور تاني
وابتديت احس انو ممكن اكون انا غلطان
ف ابتديت افكر من الاول في كل القناعات اللي وصلتلها بس فضلت علي فكره الالحاد بردو
واني مش مقتنع بوجود اله يمكن فكره عدم وجود اله كانت بتحقق الراحه النفسية ان انت عايز تشرب وتسكر وتنام مع نسوان من غير حساب ومش عايز ضميرك يأنبك او تحس بوجع ضمير
بعد ال 30 لقيت ان كل حاجه انا عملتها بتتردلي زي ماعملتها بالظبط
ومش انتقام من نفس الاشخاص لا ده الدنيا بتلف تلف وانا اللي اقع في مشكله زي اللي كنت انا باعملها زمان بالظبط
المواقف دي خلتني احس ان في نوع من العدل في الحياة حتي لو احنا مش شايفينو في لحظتها
بس الحق بيرجع لاصحابة حتي لو بعد سنين
ولو قولت كلمة علي حد هايجي حد بعد سنين يقول عليك نفس الكلمه
ده مش صدفة
ده تخطيط الهي
انا حبيت اقولكو الكلام ده علشان بشوف اغلب الشباب الصغيرين بيتريقو علي الدين والقران وحافظ كلمتين هو مش فاهمهم اصلا وبيرددهم وخلاص
معلش يعني ماتقنعونيش ان في شاب في ثانوي محتاس في امتحان العربي بتاع ثانوية عامة قادر انو ينتقد القران ويتريق علية
Post too long. Click here to view the full text.
