No.343160
اهلا ، انا ٣ث وبفكر اطلع مدرس عربي عشان احط التاتش بتاعي ف عقل كل طالب زي كريستيانو ما عمل كدا
حياتي يتعمل منها افلام سواء طفولتي اللي كانت على مهرجانات حمو بيكا و أغاني تسلم الأيادي وف نفس الوقت حفظ القران ويا طيبة يا طيبة ، وفترة خوفي من الماورائيات زي الجن والحاجات دي وتعمقي في مقارنة الاديان ودخولي عالم التاريخ والفلسفات المختلفة وطبعا كل دا قشور علوم انا اعرف الف كتاب مقريتش غير صفحة من كل واحد ، ثم حبي للمنفلوطي وأحمد شوقي ، ثم مغامرات اعدادي والتعرف على الخمر والحشيش دون التجربة ، ثم النقل الى اسكندرية في منطقة شعبية معرصة وتجربة كل ما يمكن تجربته ، وغير حبي للتوهان واني اروح بلاد غريبة واتعرف ع الناس اللي فيها ثم محدش يشوف وشي تاني او شغفي الغير مستمر للحياة
الاجازة دي كان نفسي اقرا كتب المنفلوطي وكتاب كفاحي لهتلر وارتبط ببنت متكونش من قبلي السكة واتعلم الماني ، طبعا ولا واحدة من دول حصلت كنت مقضيها ع السوشيال واتحولت لشخص انطوائي بطريقة خنيقة
دلوقتي بمر بفترة اكتئاب بسبب البعد عن ربنا والتراكمات النفسية والعلوقية الناشفة ولما رجعت بالارشيف لصحاب زمان وشخصية زمان كان نفسي اعيط بجد ، عارف ان البوست عشوائي وملغبط بس لعل وعسى الاقي البوست دا تاني وانا عندي ٣٠ مثلا واكون بقيت حاجة مفيدة ف المجتمع ومكون أسرة سوية نفسياً واكون غير مدمن لأي نوع من المكيفات حتى الشيشة ، واكون بصحة قلبية كويسة
____________________________
Disclaimer: this post and the subject matter and contents thereof - text, media, or otherwise - do not necessarily reflect the views of the 8kun administration.
