اغلب الناس في الزمن ده عايزين يدوسوا على زرار يبقوا ناجحين ومعاهم فلوس
مفيش حاجة اسمها معايا مبلغ كذا عايز اخليه كذا، مفيش ربح من غير ريسك، والاهبل اللي بيقول لك اسأل في صب الفينانس ماهو الصب ده تلت ارباع بوستاته نفس النوعية دي، معايا مبلغ كذا ايه احسن استثمار؟ وكل الردود تبقى حطهم في دهب أو كريبتو!
لو كان عمل الفلوس سهل كان زمان الناس كلها معاها فلوس، بس هو موضوع عقلية، لو عقليتك غنية هتبقى غني، عقليتك فقيرة أو اتفاقية يبقى المبلغ ده زي ما قلت هتفضل تسحب منه لحد ما تشحت في الاخر
أنا زيك يا انون وورثت نفس المبلغ بالظبط اشتريت سبيكة 10 جرام وجزء في كريبتو والمبلغ اللي حطيته في الكريبتو زاد، اه اللي بقوله ده مش احسن استثمار بعد كل اللي كتبته ده بس اهو تجميد قيمة الفلوس على بال ما الاقي حل احسن.
عايز الحل بجد؟ متبقاش عواطلي وشوفلك شغلانه ريموتلي بالدولار شوف انت اشطر حاجة فيها ايه في مجالات الريموت ودوس فيها، الفرد النهاردة محتاج مش اقل من 15-20 الف جنيه عشان اللي جاي يبقى على قد اللي رايح
