مساء/صباح الخير على كل الانونز النيوفاجز واولدفاجز وكل الانونز الكرام ،،،
انا انون معصرتش ثورة 25 يناير كنت ساعتها صغير مدرك اه ان في قلق في البلد لكن مش مستوعب بشكل كامل ايه الي حصل، كبرت لقيت العسكر والاخوان بيتخانقو وكلام كتير ومؤامرات وبتاع، بس انا ميهمنيش كل دا الي يهمني حياتي انا بشكل او باخر بقيت احس ان كل الي حواليا غير اذكياء كفاية ومهمشين وطموحاتهم 0 واحلامهم 0 وتحسو انهم مش عايزين يعملو اي حاجه في الدنيا وكانهم مشلولين، الموضوع دا بالنسبالي غريب جدا، طبعا انا مش من الطبقة الكريمه بتاعت المجتمع فمكنتش محظوظ كفاية اني اعيش في كمبوندات الاغنية والحاجات دي، والناس مش بتقرأ وجاهله اوي بشكل مقزز ومنفر، بقيت عايش في وحده بقيت وحيد اه عندي ناس اكلمها IRL وغصب عني لازم اتعامل معاهم لكن الاحساس نفسه انا وحيد انا مش عارف اشارك افكاري مفيش اساسا عقول تتناقش معايا الكلام دا فنتهي الامر باني وحيد، حاولت ادور على ناس واصتاد ناس بس .. بردو مشفتش فيهم ولا وعي ولا اي حاجه مثيرة للاهتمام او حتى شخصية
ادور على اي تجمعات اجتماعيه في مصر ملقيش بردو او لو لقيت الاقي حاجه عبيطه او حاجه مش بتشد اهتمامي
انا مليش في الكوره بس حبيت ادور كدة على واشوف ايه الدنيا، واكتشفت زمان من 2007 وقبلها كمان بس خصوصا بعد 2007 ان في حاجه اسمها التراس،
وناس بتنظم فعاليات والعاب نارية والناس مبسوطه وبتنبسط، عجبني اوي الجو دا وكان هو دا الي مستني اشوفه باشكال تانيه بقا
والي عجبني اكتر واكتر انتشار الانترنت ساعتها وحوار زي المنتديات، يعني مثلا الي اكتشفته ان الالتراس والفرق التشجعيه دي مظهرتش من فراغ
دا كان في الاول منتديات والناس اتجمعت على الانترنت الاول، يجماعه الانترنت دا من اعظم الاختراعات فعلا الانترنت دلوقتي خرا لسبب واحد ان الغالبيه من الناس بقى سهل ليها انها تدخل عليه، قبل كدة مكنش دا الوضع مكنش اي حد بيدخل نت في بيته انا فاكر الكلام دا كويس اوي انا كنت صغير بس فاكر انا من اول الناس الي دخلت الانترنت في بيتها
مش اول اوي بس انا من ايام لما كانت الباقات 256 كيلوبت وقبلها كان سلك التلفون الي بتحطه في الكيسه دا وقبلها الفلاشه الي كانت بتتشحن كانها موبيل ويشتغل النت يدوبك كام ساعه ويبقا عايش يتشحن تاني ويفصل، انا من ايام العاب الفلاش الي على المتصفح من ايام Internet Explorer ومن ايام كونكر اونلاين وسيلك رود اونلاين وامل الشعوب وولف تيم وكروس فاير
وويندوز 7 وقبلها xp وويندوز فيستا ومن ايام الويندوزات المضروبه الي كنت بتشتريها من على الرصيف الي هي الاسطوانات دي
انا فاكر الايام دي كانها امبارح وفاكر طعم الحياه ساعتها كان جميل اوي مع اني مكنتش طبقه غنيه ولا كانت كل حاجه متوفرة ولا بس كنت مبسوط
هرجع تاني للي كنت بتكلم عليه
دورت على منتديات دي وقابلني منتدي اسمه "رابطة مشجعي النادي الأهلي"
لحسن الحظ المنتدي كان مرفوع على موقع all-up.com معمول sub-domain
فالحسن الحظ انه لسه موجود دا اللينك بتاعه https://ahly.all-up.com
مفهوش حاجات كتير بس يعتبر تاريخ للفترة دي
لما شوفت الفترة دي ايه الي حصل فيها عرفت انها كان فيها ساعتها حسني مبارك طبعا انا عاصرت فترة حكمه وانا صغير لكن مش مدرك بشكل كامل ايه الي كان بيحصل
لما كبرت وقرات على الفترة دي عرفت ان بالرغم من الظلم والسرقة والفساد والقرف الي كان موجود إلا ان كان في منفذ حرية وكان في كلام وكان في مظاهرات على خفيف بيتلمو اه بس بيقعدو 3-5 ايام بالكتير ويخرجو وعادي والدنيا بتمشي بس كانت الناس بتتكلم وكمان لما سمعت لناس بتتكلم على الفترة دي كانو بيقولو ان ذكاء المصريين ووعيهم كان اعلى بكتير من دلوقتي ودا خلاني اتاكد اني صح فعلا الناس الي حواليا دول فيهم حاجه غلط مش انا الي غلط
سمعت فيديوهات كتير عن حسام بدراوي الي كان الامين العام للحزب الوطني بغض النظر انه كان جزء من النظام وانه مؤمن بالاصلاح الداخلي
لكن كلامه عجبني خصوصا اني عرفت انه هو الي دخل لحسني مبارك بنفسه يقوله يطلع يتنحي عن الحكم
وكلامه على تحويل مصر إلى دوله ديموقراطيه حقيقية بعد حسني مبارك طبعا الكلام ساعتها كان بيتردد انه كان هيورث لجمال مبارك وكدة بس من الي سمعته ان دا كان فعلا ممكن يحصل بس مكنش هيكون بالشكل دا ولو جمال مسك ساعتها دا كان كسر ان الي يمسك البلد عسكري لاول مره من انقلاب 52 (ياريت كان جمال مسك)
وكان النخبه ساعتها الي حوالين جمال كانت نخبه بجد ناس فعلا متعلمه حسام بدراوي واحد من دول كان فعلا في حاجات ممكن تحصل كتير
النهارده بعد 14 سنه تم تدمير الطبقه الوسطى الي هي كانت محرك اساسي في ثورة 25
تم تدمير اي تجمعات اجتماعيه الالتراس وغيره
تم القبض على مجموعات كبيرة من الناس سواء من الاخوان او غيرهم اتاخده زي علاء عبد الفتاح
وزي منتم عارفين المجتمع الي انت شايفه دا بيحركه اساسا مجموعات تمثل 2% من الشعب هو الي بيحرك الشعب والباقي كله حزب كنبه او تابع
النسبه الصغيره دي اتدمرت كلها والي مستجنش او اتكتم هرب برا مصر والي اتبقى جوا مصر اتخرس ومش قادر يفتح بوقه ما متبقاش حد حواليه اصلا ونفس القصه مفيش حد حواليه بيفهم
