جدعان انا مدمن حشيش من ونا عندي 16 سنة
حياتي مفشوخة وخصوصا ان عيلتي dysfunctional عالاخر
حاولت اكتر من مرة ابطل اكبر فترة كانت 4 شهور بس دايما ببص في ناحية ان حياتي خلاص اتفشخت اتخزوقت في الثانوية ودخلت كلية تجارة زي بقيت الشعب مع ان دماغي نضيفة وكان نفسي اخش هندسة
دلوقتي حاسس بفراغ ابن متناكة كاني مجرد ذرة غبار طايرة في الهواء وسط الناس التايهين التانيين
حاسس برضوا اني حتي لو طلعت من اللي انا فيه عمري ما هبقا اللي كان ممكن ابقاه لو مكنتش فشخت نفسي بالشكل دا
مشعارف اللي انا فيه دا كله فدماغي بس انا 21 سنة لسة في اول سنة جامعة وحاسس اني دمرت مستقبلي
المشكلة الاوسخ اني اتعودت علي اللي انا فيه وبقيت متقبل الحياة الشرموطة اللي انا عايشها واتخليت عن كل طموع كان عندي
بقيت حاسس اني لو نجحت حتي هيتبص عليا نظرة شفقة زي بص الواد الفاشل نجح في حاجة اخيرا
معدتش حتي بفخر بنفسي لاني عارف فشلي كويس
حد عارف طريقة ازاي يساعد بيها نفسه؟ اي نصايح في اي حاجة مريت بيها شاركونا بيها ياخواتي
ونا نصيحتي ليكم لما يتقالك الناس كلها وسخة مش معناها انك تكره كل الناس بس تقدر اللي يستاهل كويس جدا عشان مش بيتعوضوا تاني,انا في ال5 سنين ادمان دول كان فيه ناس كويسة جدا في حياتي بس انا اتجنبتهم وخلتني مع عيلتي الغير سوية نفسيا وازداد بيا الحال سوء
