No.10
ከጎጃም ዕዝ ዘመቻ መምሪያ የተላለፈ አስቸኳይ መልዕክት
የፋሽስቱ የኦህዴድ ብልጽግና አገዛዝ በአማራ ሕዝብ ላይ ሙሉ ጦርነት በማወጅ በከባድ መሣሪያና በድሮን የታገዘ ወረራና ጭፍጨፋ ሲፈፀም የቆየና አሁንም እየፈፀመ ይገኛል። በመላው አማራ በተለይም በጎጃም እያካሄደ ባለው ጭፍጨፋ ንጹሐንን በከባድ መሳሪያ ገድሏል፤ የአርሶ አደሩ አዝመራ እንደ ጧፍ እንዲነድ አድርጓል። የጤና ባለሙያዋችን ደብድቧል፤ በአርሶ አደር ቤት እየገባ ሽሮና በርበሬ ዘርፏል። በተለያዩ ድብቅ ቤቶች ወጣቶችን ረሽኗል፤ ሰላማዊ ሰዎችን በጅምላ በማሰር መፈታት ከፈለጋችሁ ብር ክፈሉ እያሉ በ100 ሺህ የሚቆጠር ብር ተቀብሏል። የተቀደሱ ቤተ እምነቶቻችን ውስጥ እየገባ ፀያፍ ሥራ ሠርቷል። በደረሰበት ኹለንታናዊ ድጋፍ የሚይዘው የሚለቀው የጠፋው የፋሽስቱ ኃይል አሁንም ተጨማሪ ኃይል በገፍ እያስገባ ሀገር ወዳዱን ሕዝባችንን በመጨፍጨፍ ላይ ስለሆነ፤ የዘወትር ሎጅስቲክስ አቅራቢያችን የኦሕዴድ ሠራዊት ያስገባውን ማቴሪያል እንደተለመደው እስክንቀበለው ድረስ ሌላ ተጨማሪ የፋሽስት ኃይል እንዳይገባ ለመከላከል ያግዘን ዘንድ ከነገ ማለትም ከኅዳር 12-03-2016 ዓ.ም ጀምሮ ላልተወሰነ ጊዜ ከየትኛውም አቅጣጫ ከባጃጅና ሞተር በስተቀር ማንኛውም ተሽከርካሪ ላልተወሰነ ጊዜ እንዳይንቀሳቀስ የተወሰነ በመሆኑ አገር ወዳድ እና እንግዳ አክባሪው ሕዝባችን መጉላላት እንዳይደርስበት ይህን አውቆ እንዲንቀሳቀስ ስንል ለታታሪውና ሀገር ወዳዱ ሕዝባችን በአክብሮት እያሳወቅን፤ የተለመደ ትብብሩን ያደርግ ዘንድ እየገለፅን። ይህን ተላልፎ በሚገኝ በማንኛውም ተሽከርካሪ ላይ ለሚደርስበት ማንኛውም ድርጊት ግን ኃላፊነቱን አሽከርካሪዋች ወይም የአሽከርካሪ ባለሀብቶች የሚወስዱ መሆኑን እናሳስባለን ።
____________________________
Disclaimer: this post and the subject matter and contents thereof - text, media, or otherwise - do not necessarily reflect the views of the 8kun administration.
